29
Ja
Einfach mal politisch gedacht
29.01.2017 11:37

A Monat isch umadum En Handumdreha um. Und was isch net alles passiert, Wenn ma so rekunschtruiert, seit Trump US Präsident, so wia ma es gar net so kennt. Bei uns en dr Politik Isch au des Poschtaschachre oifach Chic, jeder suacht sich ebbes raus, egal was am Ende wedd nau draus. Aber Politiker send doch schlau Und wissa über alles ganz genau Bescheid wo se all au hocka deant, hauptsach a guat’s Geld isch verdeant. Da zu Guttenberg holt ma meah, was draus wedd, ma wedd scho seah. Ob er es wieder mal probiert Und des mal ohne Doktr kandidiert? Andre meah Dreck am Schtecka hand Und regierad no en unserm Land, Aber weil der s’gfährlich g’wea Hat ma es oifach liaber g’seah Wenn er fasst oifach sein Muat Und nemmt ganz schnell sein Huat. Bei uns so a Bundespräsident Hat nix zum saa, wia ma’s kennt. A scheanes Geld als Gehalt, dr Steinmeier wedd des jetzt bald. Dia Obere es so entschieda hand Und wissad was guat isch, fer unser Land, und schachrad Poschta gegaseitig zua, des Volk hat von deam scho langsam g’nua. Aber ma hat se ja so g’wählt, und des oizige was dau oba aber bloß zählt, dass ma selber alles hat und kriagt, en dr ganza Welt umanander fliagt, andere Länder bekehra will, dahoi, dau schtad Politik derweil schtill. Em Oschta wächst langsam und schtur Em Erdogan sei Diktatur, und koiner regt sich groaß drüber auf, ma nemmt des alles oifach en Kauf. Weil ma ja en nix nei komma will, hat bei de Griecha a unguat’s G’fühl weil dia net ausliefra wend, oifach ebbes g’scheiter wia de unsre send. Andre verpflichtat ma zur Demokratie, bei uns, dau macht ma se so langsam hi weil sich koiner da Butter vom Brot nemma lad, jeder fer sich so arg viel z’weanig hat. So isch, so wed es au weiter gau, sei Ruah will ma ganz oifach hau, viel schwätze und nix doa, einschiaba an Haufa Loah, des isch, ganz ohne Kritik halt a mal unsa deutscha Politik. ©by Luis Walter

Kommentare


powered by Beepworld